Nanibago ang fans ni Xian Lim sa bago niyang post sa Instagram kung saan, nabanggit ang GMA Network. Nag-promote kasi si Xian sa guesting niya sa “Wowowin: Tutok to Win”na umeere sa Kapuso Network, kaya hindi maiwasang pati ang network ay kanyang mabanggit.
Sabi ni Xian, “Let’s make some noise, Shopee Fam! Ready na ba kayong maging lucky this 7.7?
The Mid-year sale craze continues kaya tumutok na this July 7, 9:30pm sa GMA at Shopee Live para sa Shopee 7.7 TV Special.”
Sina Xian at Jessy Mendiola ang dalawa sa special guest sa Mid-Year Sale ng Shopee at mula nang i-announce ni Willie Revillame ang kanilang guesting, marami na ang nag-aabang. Mangyayari na nga ang guesting ng dalawa this Wednesday.
First time aapak sa studio ng GMA sina Xian at Jessy, maganda sana silang tanungin kung ano ang nararamdaman nila na nasa loob sila ng studio ng Kapuso Network at mapapanood sa GMA-7.
Sabagay, malapit na rin naman daw maging Kapuso ni Xian dahil kinuha siya ng GMA Network para ipareha kay Jennylyn Mercado sa bago nitong teleserye na “Love. Die. Repeat”.Ang balita, sarado na ang usapan ng Viva at ng GMA-7, kaya anyday now, baka pumirma na rin si Xian ng kontrata sa GMA Network.
