ni LEANDRO ALBOROTE
Nalambat kahapon ng mga elemento ng Police Community Precinct (PCP)-8 ang isang 37 anyos na lalaki na sangkot sa kasong estafa sa Barangay Binauganan, Tarlac City.
Ang pag-aresto kay Alexis Asio ng nasabing barangay ay pinangunahan ni Police Lieutenant Julito C. Reyno, commander ng PCP-8.
Ang Warrant of Arrest ay inisyu ni Acting Presiding Judge Rhodalyn Navarro Montemayor-Abas ng MTCC, Branch 2, Tarlac City.
Bilang pagtalima sa panuntunan ay pina-check up muna si Asio sa Tarlac Provincial Hospital para malaman ang kalusugan nito bago dinala sa pulisya para sa kaukulang dokumentasyon at disposisyon.
