Ni NORA V. CALDERON
Tulad ni Glaiza de Castro, miss na miss na rin ni Kapuso actress, Lovi Poe ang kanyang boyfriend na si Montgomery Blencowe from the US.
Balik sa LDR (long distance relationship) ang couple matapos ang bakasyon ni Lovi sa US with Montgomery and his family from UK. Pero after Christmas bumalik na rin agad si Lovi sa Pilipinas para tapusin ang lock-in taping ng bago niyang romantic-comedy series na Owe My Love. “Being in a long-distance relationship can be tough, lalo ngayong it’s hard to travel because of the pandemic,” sabi ni Lovi. “Kaya with the distance, mas lalo naming nami-miss ang isa’t isa and he makes an extra effort to make me feel special kahit we’re so far away from each other.”
Medyo nalilibang ngayon si Lovi dahil sa pagti-taping, ng Owe My Love na mas light kaysa sa mga nauna niyang serye na masyadong dramatic. Magiging birthday presentation niya ang serye dahil magsi-celebrate siya ng birthday sa February 11 at magiging post-Valentine offering naman ito ng GMATelebabad sa February 15, after ng Love of My Life.”
