LAKE BUENA VISTA, Florida (AP) — Umusad sa susunod na round ang Boston Celtics.
Hataw si Kemba Walker sa naiskor na 32 puntos para sandigan ang Boston sa pagkumpleto sa 4-0 series sweep laban sa Philadelphia, 110-106, nitong Linggo (Lunes sa Manila) sa Eastern Conference playoffs.
Nag-ambag si Jayson Tatum ng 28 puntos at playoff career-high 15 rebounds para sa Boston, haharapin ang defending NBA champion Toronto Raptors sa Eastern Conference semifinals.
JAZZ 129, NUGGETS 127
Naisalba ng Utah Jazz, sa pangunguna ni Donovan Mitchell na may 51 puntos, ang matikas na opensa ni Jamal Murray, para biguin ang Denver Nuggets at kunin ang 3-1 bentahe sa Western Conference playoff series.
RAPTORS 150, NETS 122
Hataw si Norman Powell sa naiskor na 29 puntos at tumipa si reserve Serge Ibaka ng 27 puntos at 15 rebounds para sandigan ang Toronto Raptors sa panalo at 4-0 sweep laban sa Brooklyn Nets.
MAVS 135, CLIPPERS 133
Naisalpak ni Luka Doncic ang step-back 3-pointer sa buzzer para akayin ang Dallas Mavericks laban sa Los Angeles Clippers at ipantay ang playoff series sa 2-2.
Ratsada si Doncic na may 43 puntos, 17 rebounds at 13 assists para sa ikalawang sunod na triple-double.
