WALA nang dapat pang patunayan si Eduard ‘The Landslide’ Folayang sa mundo ng mixed martial arts (MMA).
Ngunit, nananatili ang passion sa kanyang puso upang ipagpatuloy ang nakagisnang sports at panatilihing matatag sa laban.
Sisimulan ng dating two-time ONE Lightweight World Champion ang bagong taon sa pagsabak kontra Pieter Buist sa ONE: FIRE & FURY sa Enero 31 sa Mall of Asia Arena sa Pasay City.
Iginiit ng veteran leader ng Team Lakay na naging mapaghamon ang nakalipas na taon s akanyang career, ngunit handa siyang makabawi.
“The best thing about martial arts is that we have learned that it is the process for us to be a better human being,” pahayag ni Folayang.
“I always strive to be a better martial artist. Setbacks help make us stronger to overcome more difficult challenges in life.”
Nakabawi ang 35-anyos na pambato ng Baguio City nang makaiskor ng impresibong technical decision kontra Amarsanaa Tsogookhuu sa ONE: MASTERS OF FATE nitong Nobyembre.
Bago ito, nagtamo siya ng back-to-back submission defeats kontra dating UFC Lightweight World Champion Eddie Alvarez at dating two-time ONE Lightweight World Champion Shinya Aoki.
“It was very challenging,” ayon kay Folayang.
“I lost both via submission, so that was definitely tough (but) that is life. The first one was just a single mistake. That loss to Shinya was because of a single mistake.
“Then, the next one was against Eddie Alvarez. I almost won, but it slipped away.”
Sa dalawa, mas dinamdam ni Folayang ang kabiguan kay Alvarez.
“It hurt the most because I prepared well for that one. “But life must go on.”
Nagsanay ng todo si Folayang at target niyang matularan ang kampanya sa kaagahan ng career. Noong 2014, matapos matalo kay Timofey Nastyukhin, magkakasunod na panalo ang naitala niya kabilang ang third round finish kay Aoki para sa makamit ang ONE World Title noong 2016.
“I need to win my next fights. I need to be in shape. I need to reclaim what I have lost.
“If I become the World Champion for the third time, it will prove something to myself. There will be no doubt about my achievements. That is my aim.”