SA premiere night ng pelikulang NUUK ay hindi kasama ni Aga Muhlach ang misis niyang si Charlene Gonzalez-Muhlach na ikinataka ng lahat dahil unang beses itong hindi sinamahan ang asawa.
Lagi kasing nakasuporta si Charlene kay Aga sa mga premiere night ng pelikula nito kaya nakakapanibago na wala siya sa NUUK. Nabanggit naman ng aktor na may sakit ang wifey niya sa panayam namin pero hindi niya sinabi kung ano.
Hanggang sa nag-post na si Charlene sa kanyang Instagram account nitong Miyerkules na inoperahan pala siya kasabay ng 18th birthday ng kambal nila ni Aga na sina Atasha at Andres.
Base sa litratong pinost ni Mrs. Muhlach na may patient’s ID wristband, “Thank you St. Luke’s Q.C. Hospital under the care of our family doctor internist, Dra. Ubungen. I went in for a check up for pain in the right lower abdomen, hip area. My blood test was normal but my CT Scan showed otherwise.
“I had appendicitis and needed immediate surgery the same day to remove my appendix to prevent rupture. Thank you to my anesthesiologists Dra. Ruiz & my surgeon Dr. Amado for the care and painless surgery who performed a laparoscopic appendectomy. Plus, all the kind nurses who took care of me, (unfortunately, I was not able to attend the Nuuk premiere, which I was so looking forward to watch, I will watch it during the regular screening) & thank you to my family for your endless love & for keeping me company in the hospital my mom, @agamuhlach & for Andres @aagupy & @atashamuhlach_ to spend their 18th birthday with me there and keep me company, I love you all so much.
Here’s to a fast & swift recovery #i’mdoingwellnow #onmywayhome to rest & recover.”
Habang sinusulat namin ang balitang ito ay nakatakdang umuwi na ng bahay nila si Charlene para magpagaling.
Speaking of NUUK ay nagulat ang lahat nang nakapanood sa twist ng istorya dahil hindi nila inisip na sa ganu’n magtatapos ang pelikula. Puring-puri sina Aga at Alice Dixson sa napakahusay nilang pag-arte at higit sa lahat, ang gaganda ng shots ni Direk Veronica ‘Roni’ Velasco na hindi halatang hirap na hirap sila dahil nanginginig silang lahat sa lamig.
Kasalukuyang palabas ang NUUK nationwide mula sa Viva Films at Octoarts Films.
-REGGEE BONOAN
