DALAWANG liga ang sentro ng usapin sa gaganaping Philippine Sportswriters Association (PSA) Forum ngayon sa Amelie Hotel-Manila.
Tampok na panauhin ang mga opisyal ng University Athletic Association of the Philippines (UAAP) na magbubukas sa Season 82 sa Miyerkoles sa lingguhang forum na nakatakda 10:00 ng umaga.
Pangungunahan nina Executive Director Rebo Saguisag at Commissioner for basketball Jensen Ilagan ang UAAP management.
Ibibida naman ni MP Promotions President Sean Gibbons sa public sports program na suportado ng San Miguel Corp., Braska Restaurant, Amelie Hotel, at Philippine Amusement and Gaming Corporation (PAGCOR) ang all-Filipino world title fight sa pagitan nina Samuel Salva at Pedro Taduran para sa bakanteng International Boxing Federation (IBF) minimumweight championship sa Sept. 7 sa Taguig City.
