SPEAKING of international, namamayagpag na rin ang Fil- Am model na si Kelsey Merrit, dahil pagkatapos niyang rumampa bilang unang may dugong Pinoy na Victoria’s Secret model at maging cover girl ng Sports Illustrated Swimsuit, kasama naman siya ngayon sa video ni Zac Efron na New Gym Time.
Ipinakilala ni Zac ang mga kasama ni Kelsey sa video, kabilang ang mga modelong sina Josephine Skriver, Jasmine Tookes, at Sara Sampaio.
Sabi ni Zac: “New Gym Time is LIVE. @ josephineskriver @kelseymerrit @jasstokes @ sarasampaio are VS Angels but they’re also incredible athletes. They also said I earned my wings so that’s great too.”
May mga nag-comment na kaya raw nakasama si Kelsey sa video ni Zac dahil kaibigan ni Zac ang BF ni Kelsey na si Conor Dwyer. Unfair kay Kelsey ang mga ganitong comment, pati ang comment na kaya siya nagka-career sa ibang bansa ay dahil sa kanyang BF.
Anyway, may koneksyon man o wala sa BF ang pagkakaroon ng international career ni Kelsey, hindi pa rin maikakailang unti-unti siyang nakikilala sa ibang bansa.
-Nitz Miralles
