MASASABING isa si Jerome Ponce sa mga paborito ng mag-inang Mother Lily at Roselle Monteverde, dahil nakailang pelikula na sa Regal Entertainment ang aktor, kaya naman sobra ang pasasalamat niya sa mag-inang producers.
Nakaapat na pelikula na si Jerome sa Regal, kabilang ang Haunted Mansion at Walwal, habang ang Finding You ay ipalalabas na sa Mayo 29. Ang isa pa, ang Ang Henerasyong Sumuko sa Love, ay wala pang playdate.
“I really want to thank Regal kasi ang gaganda ng roles na ibinibigay nila sa akin,” sabi ni Jerome sa mediacon ng Finding You kamakailan.
Sa panulat at direksiyon ni Easy Ferrer, si Jerome ang bida sa pelikula at mayroon siyang hyperthymesia, o iyong natatandaan ang lahat ng nangyari sa buhay niya simula nang magka-isip.
“Two years ago I started writing about it re someone with multiple heartbreaks actually cannot move on from whatever happened to him,” sambit ni Direk Easy.
“It means naaalala niya ang every single moment na nangyari sa buhay niya, pati specific dates and time. This is the opposite of amnesia, kung saan nakakalimutan naman ng isang tao lahat ng nangyari sa nakaraan niya.
“Some people think blessing ‘yung pagkakaroon ng good memory, but for Nel (karakter ni Jerome), it’s actually a curse, kasi he came from a series of failed relationships and he cannot forget the painful experiences he went through in each of them, kaya hindi siya maka-move on.”
Tatlo ang nakarelasyon ni Nel (Jerome) na hindi niya nalilimutan, sina Barbie Imperial, Kate Alejandrino, at Claire Ruiz.
Patuloy na hinahanap ni Nel ang tamang babae para sa kanya, na hindi niya napapansin ay baka ang best friend na pala niyang si Kit (Jane Oneiza) ang para sa kanya.
“Magkababata kami rito ni Jane. We know each other from childhood kasi neighbours kami. Kaya lang, nag-migrate ‘yung family niya sa States, so nagkahiwalay kami. Ngayon, babalik na siya, kaya lang, she’s scheduled to be married na to some other guy. With her help, I will uncover some vague memories that cause an obscure pain in my life.
“We’ve first worked together in the afternoon soap, Nasaan Ka Nang Kailangan Kita four years ago and we have managed to maintain our friendship since then. Assistant director din namin doon si Direk Easy Ferrer, kaya bale reunion namin ito.
“Napakagaling na artista ni Jane at masarap kaya katrabaho kaya lagi kaming masaya sa set. Very easy to work with din si Direk Easy na millennial na millennial ang dating, pati treatment sa pelikula,” sabi ni Jerome.
Inamin naman ni Jane na nagkaroon sila ng special relationship ni Jerome pero less than lovers.
“Parang hindi nag-bloom, parang puwede na makarating naman sa ganu’n, kasi nag-uusap naman kami, may potential pero hindi umabot doon,” pagbubunyag ni Jane.
As of now ay hindi pa nahahanap ni Jane ang tamang pag-ibig para sa kanya, at gayundin si Barbie, pero si Jerome, nahanap na raw niya ang kanyang “The One”.
“Yes, I’ve found the one na po. She’s not from showbiz and more than two years na kami,” ani Jerome.
-Reggee Bonoan
