Inilabas na ng Malacañang ang listahan ng mga bagong presidential appointee, kabilang si dating Malabon City Vice Mayor Mark Allan Yambao na itinalaga bilang Undersecretary ng Department of Social Welfare and Development (DSWD).
Pinirmahan na ni Pangulong Duterte ang appointment paper ni Yambao nitong Enero 15.
Si Yambao ay naging bise alkalde ng Malabon City, mula 1995-2004, bago itinalaga sa nasabing puwesto.
Dalawa ring miyembro ng Board ng Nayong Pilipino Foundation ang itinalaga rin ng Pangulo, kabilang si Atty. Lucille Karen Malilong-Isberto, na humalili kay Patricia Yvette Ocampo sa Nayong Pilipino Board of Trustees.
Pinirmahan din ni Duterte ang appointment paper ni Michelle Aguilar-Ong, na papalit kay Nayong Pilipino Board Member Gerald Medina.
Kasama rin sa mga appointee sina Aldwin Alegre, Deputy Commissioner III ng Bureau of Immigration; Maria Teresa Camba at Cheryl Ortega, kapwa Director IV ng Department of Information and Communications Technology (DICT); at Vicente Vargas, Director III ng DICT.
-Genalyn D. Kabiling
