• About
  • Advertise
  • Privacy & Policy
  • Contact
Balita - Tagalog Newspaper Tabloid
  • Balita
    • Probinsya
    • Daigdig
    • Dagdag Balita
  • Showbiz atbp.
  • Balita Archive
  • Sports
    • Basketball
  • Features
  • Opinyon
No Result
View All Result
  • Balita
    • Probinsya
    • Daigdig
    • Dagdag Balita
  • Showbiz atbp.
  • Balita Archive
  • Sports
    • Basketball
  • Features
  • Opinyon
No Result
View All Result
Balita - Tagalog Newspaper Tabloid
No Result
View All Result
Home Opinyon BULONG AT SIGAW

Tsubibo

Balita Online by Balita Online
October 19, 2018
in BULONG AT SIGAW
0
Tsubibo
0
SHARES
0
VIEWS
Share on FacebookShare on Twitter

SOLOMONIC solution daw ang naging pasiya ni dating Vice President Jejomar Binay sa mga nagtutunggaling anak para alkalde ng Makati City. Ang anak niya kasing si re-electionist Mayor Abby Binay ay lalabanan ng nakababatang kapatid na si Junjun Binay. Nakiusap si Junjun kay Abby na pagbigyan naman siya tulad ng pagpapaubaya niya dito noong nakaraang halalan. Pero, wala kasing nagawa ang mga Binay kundi ikandidato noon si Abby dahil kinasuhan ng Office of the Ombudsman si Junjun nang siya ay nakaupong alkalde at tinanggal sa serbisyo sa pagkakasangkot niya sa anomalya hinggil sa pagpapagawa ng bagong city hall. Hindi siya nagtagumpay na mapigil ang naging desisyon ng Ombudsman nang iapela niya ito sa Court of Appeals at humingi ng temporary restraining order. Kaya, hindi totoo na nagparaya si Junjun kay Abby. Si Abby ang naging remedyo sa nangyari kay Junjun upang may lumaban sa ipinalit sa kanya na taga-Liberal Party. Naiulat na binaligtad ng Court of Appeals ang desisyon ng Ombudsman, kaya kuwalipikado na namang tumakbo si Junjun at pinag-iintresan niyang makabalik sa pwesto kahit ang sasagasaan na niya ay ang nakatatanda niyang kapatid na si Abby. Ayon sa kanilang ama, na si dating VP Binay, hinggil sa pag-aagawan ng dalawa niyang anak sa posisyon,“Nasa sapat na silang gulang at makapag-iisip na sila para sa kanilang sarili,” sabi ng dating Bise Presidente. Bahala na, aniya, ang taumbayan ng Makati na magpasiya kung sino sa dalawa ang magiging alkalde sa darating na halalan. Pinayuhan niya ang dalawa na maging halimbawa ng marangal at malinis na halalan. Para bang ang dalawa lamang ang naglalabang kandidato sa pagka-alkalde ng Makati.

Ganito nga ang nangyari sa ginawa ng mga Binay. Mula nang ilabas ng dalawang magkapatid ang umano’y kanilang alitan at pag-aagawan sa pwesto, pinagpistahan na sila ng media. Natabunan ng ingay at gulo na kanilang ginawa ang anumang balita hinggil sa kanilang iba pang makakalaban. Sa paghahain pa lang ng Certificate of Candidacy (COC) ay malaki na ang lamang ng mga Binay sa pagpapalaganap ng kanilang kandidatura. Bukod kina Abby at Junjun Binay na nagpaalam na ng kanilang kandidatura, nagawa na ring iparating ni VP Binay sa publiko na siya ay kandidato sa pagka-kongresista sa unang distrito ng Makati habang si Sen. Nancy Binay, ay tatakbo ulit sa eleksyon. Kaya, higit na nakinabang sa ginawa nina Abby at Junjun, ay si Sen. Nancy Binay. Sumama pa ito nang isumite ni Junjun ang kanyang COC sa Comelec. Sa Pebrero pa ng darating na taon ang simula ng kampanya para sa mga senador at Party-list representative, pero ngayon pa lang kaaga ay nakapangampanya na si Sen. Binay. Malaki na ang lamang niya sa kanyang mga kalaban na magsisimula pa lang magpakilala sa publiko sa susunod na taon.

Tsubibo lang ang ginawa ng mga Binay. Nang samahan ni VP Binay si Abby nang magpa-file ito ng kanyang COC sa Comelec, siya lang talaga ang kandidato. Ang naging papel ni Junjun ay para mapabilis at mapasigla ang ikot ng tsubibo.

-Ric Valmonte

Tags: Abby Binayjejomar binayJunjun BinayNancy Binay
Previous Post

3 police escort ng FDA chief, todas sa ambush

Next Post

Aurora governor, 6 pa kinasuhan ng graft

Next Post
probinsya

Aurora governor, 6 pa kinasuhan ng graft

Broom Broom Balita

  • Noong una ‘no comment’ pa: Paolo Contis, masaya para kay LJ Reyes
  • RK Bagatsing ‘sinaktan’ si Charo Santos kaya tsugi na raw sa Batang Quiapo
  • ‘Betty’ papalayo na! Warning signal sa 5 lugar sa bansa, aalisin na!
  • Hugot ng netizens kay LJ: ‘You will never meet the right man if you stay with the wrong one!’
  • Korte Suprema, pinayagan si Ressa na magpunta ng ibang bansa sa Hunyo 4 hanggang 29
Noong una ‘no comment’ pa: Paolo Contis, masaya para kay LJ Reyes

Noong una ‘no comment’ pa: Paolo Contis, masaya para kay LJ Reyes

May 31, 2023
RK Bagatsing ‘sinaktan’ si Charo Santos kaya tsugi na raw sa Batang Quiapo

RK Bagatsing ‘sinaktan’ si Charo Santos kaya tsugi na raw sa Batang Quiapo

May 31, 2023
‘Rosal’ lumalakas pa rin habang nasa Philippine Sea

‘Betty’ papalayo na! Warning signal sa 5 lugar sa bansa, aalisin na!

May 31, 2023
Hugot ng netizens kay LJ: ‘You will never meet the right man if you stay with the wrong one!’

Hugot ng netizens kay LJ: ‘You will never meet the right man if you stay with the wrong one!’

May 31, 2023
CBCP, binati si Maria Ressa sa Nobel Peace Prize award

Korte Suprema, pinayagan si Ressa na magpunta ng ibang bansa sa Hunyo 4 hanggang 29

May 30, 2023
TikTok account, dagdag solusyon ng BI vs human trafficking

2 biktima umano ng trafficking, nasagip sa CIA

May 30, 2023
‘Ayaw na ni Liza, si Ken gusto pa’: LizQuen, split na raw ayon sa source ni Ogie Diaz

‘Ayaw na ni Liza, si Ken gusto pa’: LizQuen, split na raw ayon sa source ni Ogie Diaz

May 30, 2023
Anti-gay bill, nilagdaan na ng Pangulo ng Uganda

Anti-gay bill, nilagdaan na ng Pangulo ng Uganda

May 30, 2023
Carla Abellana, hiniritan nang sumunod sa engagement ni LJ Reyes

Carla Abellana, hiniritan nang sumunod sa engagement ni LJ Reyes

May 30, 2023
Lolit, may pasaring kay Willie: ‘Lahat ng bagay meron siyang complaints’

Lolit, may pasaring kay Willie: ‘Lahat ng bagay meron siyang complaints’

May 30, 2023
Balita – Tagalog Newspaper Tabloid

Ang Nangungunang Pahayagang Tagalog sa Bansa (Pilipinas)

Follow Us

  • About
  • Advertise
  • Privacy & Policy
  • Contact

© 2023 JNews - Premium WordPress news & magazine theme by Jegtheme.

No Result
View All Result
  • Balita
    • Probinsya
    • Daigdig
    • Dagdag Balita
  • Showbiz atbp.
  • Balita Archive
  • Sports
    • Basketball
  • Features
  • Opinyon

© 2023 JNews - Premium WordPress news & magazine theme by Jegtheme.