BROOKLYN, New York (AP) – Sa ikalawang pagkakataon, sa loob ng iang buwan – lipat bahay si Dwight Howard.
Tuluyang naselyuhan ang kasunduan sa pagitan ng kampo ni Howard at Washington Wizards para sa isang taon na kontrata matapos makumpleto ang buyout sa Brooklyn Nets, ayon sa ulat ni Jared Weiss ng The Athletic nitong Huwebes (Biyernes sa Manila).
Naunang ipinamigay ng Charlotte Hornets ang two-time slam dunk champion sa Nets nitong Hunyo, ngunit nagdesisyon ang journeyman center sa buyout para maging ‘unrestricted free agent’.
Inaasahang kasama si Howard sa first five ng Wizards bilang kapalit ni Marcin Gortat na ipinamigay ng Washington sa Los Angeles Clippers kapalit ni Austin Rivers
