Ni NITZ MIRALLES
BATAY sa nabasa naming comments sa social media account ni Jennica Garcia, mas marami ang hindi maintindihan kung bakit kailangang gawin niyang smoothie at inumin ang part ng placenta (inunan) ng second baby niyang si Alexis.
Marami ang nag-comment na hindi matanggap ang pag-inom ni Jennica sa nasabing smoothie, na tinikman din ng asawa niyang si Alwyn Uytingco.
Ayon sa mga comment, nagiging OA na raw ang aktres sa pagpapraktis ng holistic lifestyle.
Post ni Jennica: “I am so excited to share the Birth Story of our second child with you, but for now, I hope this will do…Meet our little angel and her sister placenta. They are on their third day together now. #FullLotusBirth.
“In the next photo, thanks to @irina_doula, you will see a lovingly prepared fruit smoothie. Blended with it is a small piece of my daughter’s own placenta. To my surprise, my husband, drank two sips from my smoothie before handing it over to me! Kaya siguro mahal na mahal ko ang asawa ko. Alam kong naiintindihan at suportado niya ako, gaano man ka-iba ang nais kong tahakin na landas.
“While most would probably take the smoothie in one go, being worried that there might actually be a foul taste or smell from the placenta, I took a sweet time drinking mine and enjoyed every moment of it. We even kept a few more pieces in the freezer to be able to make more later. Cheers!”
Naloka ang mga nakabasa na may itinabi pang part ng placenta sa freezer si Jennica para magawa pang smoothie.
Pero sabi nga, kanya-kanyang paniniwala, walang pakialaman.
Gaya nga ng sabi ng millennials, “stay on your lane.” Kaya hayaan na natin si Jennica sa holistic lifestyle na kanyang sinusunod. Wala naman siyang naaagrabyadong tao.
