WASHINGTON (AP) — Ipinamigay ng Washington Wizards si center Marcin Gortat sa Los Angeles Clippers kapalit ni guard Austin Rivers, ayon sa source na may direktang kinalaman sa usapin.
Ang 1-1 deal ay ipinarating sa The Associated Press, ngunit hindi pa kinumpirma ng magkabilang panig ang naging kasunduan.
Ang 34-anyos na si Gortat ay isa sa inaasahan ng Wizards sa nakalipas na limang season tangan ang averaged 8.4 puntos at 7.6 rebounds. Tumapos ang Wizards bilang No.8 seed sa Eastern Conference at natalo sa No.1 seed Toronto Raptors sa first round playoff.
Tangan naman ni Rivers, 26, ang career-best 15.1 points at apat na assists sa nakalipas na season sa Clippers na pinangangasiwaan ng kanyang ama na si Doc Rivers.
