TARLAC CITY – Tatlong hinihinalang tulak ng ilegal na droga ang nalambat sa buy-bust operation sa Sitio Bana, Barangay Maliwalo, Tarlac City kamakalawa.
Kinilala ang mga inaresto na sina Michael Dizon, 33, ng nasabing lugar; Jocelyn Villafuerte, 26, ng Sitio Balas, Bgy. Binauganan; at Christian Paul Ignacio, nasa hustong gulang, ng 3B, Sitio Bana.
Nagpanggap na buyer ng shabu si SPO1 Roderick Perez Hebreza at nakabili kay Dizon ng tatlong pakete ng umano’y shabu.
Narekober naman kina Jocelyn at Christian Paul ang aluminum foil strip, improvised foil tooter, transparent plastic sachets na naglalaman ng umano’y shabu at iba pang drug paraphernalia.
-Leandro Alborote
