Ni Nora V. Calderon
TAONG 2005 nang ginawa ang telefantasya ng GMA Network na Encantadia, na pinagbidahan ng mga Sang’gre na sina Sunshine Dizon as Pirena, Iza Calzado as Amihan, Karylle as Alena, at Diana Zubiri as Danaya. Si Mark Reyes ang kanilang director.
Pero kahit matagal nang tapos ang unang Encantadia, hindi natapos ang friendship ni Direk Mark sa kanyang mga Sang’gre. Lagi pa rin silang nagba-bonding.
In fact, nang i-remake ng direktor ang Encantadia in 2016-2017, nag-try siyang pagsama-samahin ang mga Sang’gre na sina Kylie Padilla as Amihan, Gabbi Garcia as Alena, Sanya Lopez as Danaya, at Glaiza de Castro as Pirena, para magkakila-kilala sila.
Hindi man nabuo ang dalawang grupo ng Sang’gre dahil sa previous appointments ng ilan sa kanila, may times namang nagkikita-kita sila sa ibang okasyon at na-meet din nila ang mga orihinal na Sang’gre. Nagbigay pa nga ng pointers ang mga dating Sang’gre sa mga bagong Sang’gre.
At doon nga nabuo ang matagal nang plano ni Direk Mark na magsama-sama muli ang apat sa isang project na gagawin nila. At nagkasundo sila na sama-samang mag-produce ng isang pelikula. Mukhang matagal din nilang pinagplanuhan ang susunod nilang moves, una na rito ay ang schedules nilang lahat.
At nito ngang isang gabi ay nag-post si Direk Mark ng photo nila sa kanyang Instagram, kasama si Rose Conde, ang BFF nilang lima. May hashtag itong #SanggresInc, at halos tiyak nang iyon ang name ng kanilang production.
Nag-text kami kay Direk Mark if tuloy na ang kanilang production, at kung kailan sila magsisimula?
“Yes, Tita, hopefully by July,” sagot niya.
May ginagawa kasing project ngayon si Direk Mark sa GMA 7, ang epidemic-serye na The Cure, na napapanood gabi-gabi pagkatapos ng 24 Oras.
