Patay ang tatlong katao habang 45 iba pa ang sugatan makaraang mahulog ang kinalululanan nilang bus sa isang tulay sa Tanauan, Leyte, kahapon ng madaling araw.
Sa ulat ni Chief Insp. Francisco Tupaz, hepe ng Tanauan Municipal Police Station (TMPS), kinilala ang mga nasawi na sina Bryan Loterte, Emilyn Galaglara, at Melmer Simbahon.
K a s a l u k u y a n n ama n g nagpapagaling ang mga sugatan sa Leyte Provincial Hospital.
Base sa ulat, galing sa Metro Manila ang Philtranco bus at bumibiyahe patungo sa Davao City nang maganap ang insidente.
Sa inisyal na imbestigasyon, nakatulog ang driver ng bus hanggang sa nahulog sa tulay ang naturang bus.
-FER TABOY
