UMPISA ngayon ang dalawang araw na final round ng 2018 World Slasher Cup Invitational 9-Cock Derby 2 sa air -conditioned Smart Araneta Coliseum.
Lalaban sa 4 –cock finals ngayon, hatid ng Excellence Poultry and Livestock Specialists at Pit Game Media Inc. ni CEO Manny Berbano, ang mga entries na may 2, 2.5, 3 at 3.5 puntos.
Ilan sa liyamado sina Rene Medina ng California, Celso Salazar/Dems Villaverde, Doc Ayong Lorenzo, Biboy Enriquez, Rikki Reyes, Bal Samson, Rey Briones, Patrick Puno, Felix at RC Gatchalian, Jojo Gatlabayan, Boy de Roca, Joey Melendres ng Australia at Jake Zobel.
Tuloy ang final round bukas para sa mga umiskor ng 4, 4,5 at 5 puntos.
“Its still anybody’s race for the championship considering the tight contest for the last four days,” pahayag ni WSC committee head Dong Lamoste.
Tatlong entries ang may 5 – 0 (panalo –talo), dalawa kay defending champion Frank Berin at isa kay sabong idol Patrick Antonio.
May 4.5 puntos sina Dr. Bel Almojera ng Florida, USA Hermie Capuchino, Gov. Kulit Alcala at Jun Lao/CGV.
Para sa patron at box tickets, bisitahin ang Ticketnet box office sa Araneta Coliseum Circle (Yellow Gate) o tumawag sa 911-5555
