ISA si Demi Lovato sa mga bituing sinampahan ng kaso ng mang-aawit na si Jaime Ciero, na nag-aakusang kinopya sa awitin niyang Volar ang hit tune na Let It Go na ginamit sa pelikulang Frozen ng Disney.
Inirekord ng 25 taong gulang ang awitin bilang single kasunod ng pagpapalabas ng 2013 animated movie, at naging laman din ng deluxe version ng kanyang 2013 album na Demi.
Binanggit niya ang magkakatulad na note combinations, structures, hooks, lyrics, melodies, themes, textures at production ng dalawang awitin bilang ebidensya na ang Let It Go ay ginaya sa awitin niya.
Kinasuhan ni Ciero sina Demi, Idina Menzel na siyang umawit ng bersiyon sa pelikula at soundtrack, ang The Walt Disney Company, at iba pa. Humihingi si Ciero ng bahagi sa kinita global box office ng pelikula na umaabot sa $1.3 billion, kinita sa record at marketing bilang danyos.
Nang nagpahayag tungkol sa tagumpay ng Let It Go, sinabi ni Demi na magandang awitin ito para sa kanya, dahil na rin sa pinagdaanan niyang mga problema sa personal na buhay, kabilang ang pakikipaglaban sa kanyang eating disorders at substance abuse issues.
“I think the song is so appealing because the words are so uplifting,” aniya sa MTV. “It’s a really inspiring song too when you listen to it, it makes you wannabe yourself and be proud of who you are.”
“I feel uplifted and, at the same time, I remember what it,s like to feel very insecure about who I am. But after I’ve grown and I’ve gone through some life experiences, I’ve become proud of who I am and so I can also feel the uplifting part of the song as well… I think it’s the perfect song for me to be singing!” – Cover Media
