NI: Liezle Basa Iñigo
AGUILAR, Pangasinan – Natagpuang wala nang buhay at nakatali ang mga kamay ng isang lalaki sa Barangay Bocboc West sa Aguilar, Pangasinan.
Dakong 10:30 ng gabi nitong Martes nang matagpuan sa tulay ng Bocboc ang biktimang tadtad ng bala sa katawan, nakasuot ng itim na pantalon at gray t-shirt, may tattoo sa kaliwang dibdib, nasa edad na 40-45, 5’3”-5’5” ang taas, at semi-kalbo ang gupit.
Inaalam pa ng awtoridad ang motibo ng pagpaslang at ang pagkakakilanlan ng biktima at suspek.
