TRAVEL buddy raw ni Jasmine Curtis Smith ang kanyang non-showbiz boyfriend na si Jeff Ortega, a young businessman na managing director ng La Union Surf School sa La Union. Mula siya sa mga Ortega sa North, na ang ilan ay mga artista rin and politicians, tulad ng mag-inang Michelle at Ysabel Ortega at actor/politician na si Robert Ortega.
Kasamang dumating ni Jasmine last Tuesday sa Como, Italy si Jeff para sa shooting ng young star ng Imagine You and Me movie kasama sina Alden Richards at Maine Mendoza.
Mabilis na kumalat sa social media na kasama nga ni Jasmine ang boyfriend, kaya naman may AlDub fans na parang nakahinga nang maluwag at natuwa na kasama ni Jasmine si Jeff. Sa mga nakakaalam, may fans talaga ang AlDub na hindi matanggap na may third party sa story ng movie na sinu-shoot nila sa Italy since May 9, pero this time pawang magaganda ang wish nila para kay Jasmine.
Comments sa Instagram: “We appreciate and are thankful na pumayag ka to join this project;” “sana maging friend kayong tatlo nina Alden at Maine” “maging masaya sana ang working relationship ninyo.”
At may nagpauna na ring fans sa paghingi ng sorry kay Jasmine kung sakaling may mang-bash pa rin sa kanya.
“Inihihingi na namin ng pasensiya kung may mga mangba-bash pa rin sa iyo. Hindi totoong AlDub Nation ang mga iyon, maraming nagpapanggap lamang. Kaya huwag mo na lamang silang pansinin. Ang mga totoong AlDub fans na nagmamahal at sumusuporta kina Alden at Maine ay hindi gumagawa nang ganoon. Salamat.”
As to the updates, noong Wednesday ay may shooting na sina Maine at Jasmine, kaya mag-isang pumunta ng Rome si Alden para sa courtesy call nila sa Philippine Embassy sa Holy See sa Vatican City. Dapat daw ay silang lahat ang pupunta roon, pero hindi pumuwede dahil lahat ay busy sa shooting at si Alden lang ang free.
Hindi malinaw kung nagkaroon ng chance si Alden na makita si Pope Francis dahil tuwing Wednesday ay may audience ang Pope with the people sa St. Peter’s Square, pero napakaraming tao. May snapshot ang personal assistant ni Alden sa Fontana de Trevi (na mas kilala sa tawag na Three Coins In the Fountain) na napakaraming tao kaya mukhang hindi rin nakapagpa-picture roon si Alden.
Siyempre pa ay marami na namang nagtanong na fans kung bakit hindi magkasama sina Alden at Maine na pumunta ng Rome.
I-update namin kayo kung may malinaw kaming balita, kung pupunta pa rin sina Maine at Alden sa Rome para mag-shooting doon kapag nakatapos na sila ng shooting sa Como, Italy. (NORA CALDERON)
