MINNEAPOLIS (AP) — Hindi lang sa court bida si Zach LaVine. Maging sa komunidad, siya ay mistulanh ‘Super Hero’.
Bunsod nang walang sawang pagtulong sa mga kabataang ipinanganak na binge, ipinagkaloob sa two-time Slam Dunk King ang NBA Cares Community Assist Award nitong Lunes (Martes sa Manila).
Tinutulungan ng 23-anyos na si LaVine ang Metro Deaf School sa St. Paul, bilang bahagi ng kanyang programa na makatulong sa komunidad at parangalan ang dating coach.
Bukod sa regular na pagdalaw at pagbibigay ng tulong pinansiyal, ibinigay ni LaVine ang premyong napagwagian sa nakalipas na Slam Dunk contest para mapagawa n ng bagong kusina at eskwelahan.
“Working with the Metro Deaf School this last year has been fun,” pahayag ni LaVine.
“The students and staff have become my friends. It’s a relationship I’m going to continue and I appreciate the NBA for the recognition and their emphasis on community outreach.”
Tumanggap si LaVine ng $10,000 sa NBA at ibibigay ito sa napili niyang charity institution. Pinili niya ang Flip Saunders Legacy Fund, itinatag bilang parangal kay dating Timberwolves coach Flip Saunders na pumanaw sa sakit nitong Oktubre.
“Flip drafted me and believed in me,” pahayag ni LaVine.
“We miss him every day. He was always in the community helping others so it felt right to donate to his legacy fund,” aniya.
