Sinabi ni Jesus sa mga alagad: “Pumunta kayo sa buong daigdig at ipahayag ang ebanghelyo sa buong sangkinapal. Maliligtas ang maniniwala.
At ito ang mga tandang sasama sa mga maniniwala: magpapalayas sila ng mga demonyo sa aking Pangalan, magsasalita sila sa iba pang mga wika, hahawakan nila ang mga ahas, at di sila maaano kung iinom man sila ng may lason. Ipapatong nila ang kanilang kamay sa mga maysakit at gagaling ang mga iyon.”
PAGSASADIWA:
Matapos silang kausapin ng Panginoong Jesus iniakyat siya sa Langit at lumuklok sa kanan ng Diyos.—Inilalarawan dito ang mga tagubilin na ipinagkatiwala ng Panginoong Jesus sa kanyang Iglesya.
