KINILIG ang buong Aklan sa pagbisita ng Teen King and Queen na sina Daniel Padilla at Kathryn Bernardo para tumulong sa kampanya ng kanilang pambato na si Mar Roxas.
Nakakabingi ang tiliian ng fans nang sumigaw ang dalawa ng, “Kay Mar Roxas tayo!” at humanga ang lahat sa paninindigan ng dalawang young superstars.
Mistulang naging fans day ang campaign sortie sa rami ng KathNiel fans sa Aklan. Libu-libong fans ang naghiyawan sa sobrang sweetness ng dalawa. Nakumpirma rin ng fans sa Aklan ang sinabi ni Kathryn sa isang presscon na para silang magnet ni DJ na hindi mapaghihiwalay dahil lagi silang magka-holding hands at magkaakbay.
Marami na ang excited sa susunod na proyekto ng dalawa pagkatapos ng Pangako Sa ‘Yo na nag-trending sa social media at pumalo nang husto sa ratings.
Ayon sa aming source, gagawa uli ng pelikula sa Star Cinema sina Daniel at Kathryn sa direksiyon ni Cathy Garcia-Molina. Ngayon pa lang, marami na ang nag-iisip na tiyak na romantic-comedy uli ang upcoming movie ng dalawa.
(Ador Saluta)
