Nasungkit ng Macway Travel Club ang ikatlong sunod na panalo, habang kaagad nagpakitang-gilas ang Jamfy Pioneers-Secret Spices sa 2016 MBL Open basketball championship kamakailan sa Rizal Coliseum.
Hataw ang dating Arellano University standout na si Daniel Martinez sa naiskor na 17 puntos para gabayan ang Macway sa 100-80 demolisyon kontra New San Jose Builders s torneo na itinataguyod ng Smart Sports, Ironcon Builders, Star Bread, Dickies Underwear at PRC Couriers.
Samantala, ang Jamfy-Secret Spices ay bumangon mula sa 13-puntos na paghahabol upang maungusan ang AMA University-Wang’s Ballclub, 91-88, sa overtime.
Kumayo ng todo sina Pol Santiago, Erwin Sta. Maria, Nino Marquez, Teng Reyes at Mark Fampulme sa natipang double digit para sa Macway.
Sumandal naman ang Jamfy-Secret Spices sa mainit na mga kamay nina Anthony Cuevas, Jimwell Namocatcat at Warren Ybanez upang itala ang unang panalo.
Naunsiyami ang tyansa ng AMA-Wang’s na dalhin ang laro sa ika-dalawang overtime nang sumablay ang si Ian Macaranas sa kanyang three-point shot.
Iskor:
(Unang laro)
Macway (100) — Martinez 17, Santiago16, Marquez 14, StaMaria 14, Reyes 9, Fampulme 8, Espinosa 6, Natividad 5, Mangaran 4, Lagrimas 4, Laude 3.
NSJBI (80) –Maloles 23, Sumay 15, Ambulodto 12, A.Acuzar 10, Puspus 7, Palogan 7, Santos 3, Bermido 3, Telles 0, Supanes 0.
Quarterscores: 22-24, 44-54, 72-64, 100-80
(Ikalawang laro)
Jamfy (91) — Cuevas 25, Namocatcat 16, Ybanez 12, Banzali 12, Diaz 10, Zapanta 6, Castillo 4, Garcia 2, Baul 2, Sy 2, Samaniego 0, Vicencio 0, Parina 0.
AMA-Wang’s(88) – Angeles 19, Callma 19, Dizon 12, Jordan 8, Magpantay 8, Tobias 5, Macaranas 5, Gutierez 4, Dulnoan 4, Alupani 2, Castro 2.
Quarterscores 19-13, 38-39, 57-64, 78-all, 91-88
