MAY nasagap kaming tsika na pumirma na kamakailan ng kontrata sa Viva si Ella Cruz at take note, Bossing DMB, 20 years contract ito. Trulili kaya?
Kung 20-year contract ito, ibig sabihin makakawala lang si Ella sa Viva kapag 39 years old na siya. Kasi, 19 years old siya ngayon.
“Actually, five-year contract, pero ang Viva raw ang may option to renew for three consecutive years every five years. Sa madaling salita, after five years, ire-renew ulit ng Viva si Ella ng another 5 years ng tatlong beses,” sabi sa amin.
Hmmm, parang ganito rin dati si Sarah Geronimo, di ba, Bossing DMB? Sampung taon dati ang kontrata ng pop princess sa Viva at parati siyang nire-renew at maayos naman ang naging takbo ng career ng singer/actress ngayon dahil napabuti ang buhay niya at pati pamilya niya.
Baka ito rin ang gustong mangyari ng Viva kay Ella, para maging tunay siyang aktres at hindi lang pagtu-twerk ang alam, tutal pangarap ng batang ito na magkaroon ng sariling pelikula kaya siya lumipat sa nasabing movie outfit at iniwan ang ABS-CBN Star Magic.
Anyway, goodluck, Ella! (Reggee Bonoan)
