PAGKARAANG umani ng maraming standing ovations sa kanyang mala-halimaw na performance sa Cultural Center of the Philippines kamakailan, isang special show naman ang handog ni Bituin Escalante sa kanyang mga tagahanga sa Zirkoh Morato bukas (November 20, Thursday) at sigurado kaming mapapabilib ang lahat sa mala- halimaw niyang galing.
Naninibago at hindi sanay si Bituin sa mga comedy bar pero isa itong hamon na pinaghahandaan niya.
“Basta gagawin nating isang masayang sing-along session ito, ha!” sabi ng certified Birit Queen.
Magdiriwang bukas ng kani- kanilang birthday sina Edgar Allan Guzman na nagbabalik recording din sa Ivory Records at nakatakdang i-release ang awiting Sa ‘Yo ng Silent Sanctuary na available na sa iTunes at ang magdedespedida del soltero na si Joross Gamboa na nakatakdang ikasal sa kanyang non-showbiz girlfriend na si Katz Saga sa November 30.
Sa halagang P500 lang, sulit na sulit ito sa isang gabi ng mala-halimaw na biritan sa Zirkoh Morato.
Para sa ticket inquiry, tumawag sa Ticketworld o kay Ace sa mobile number na 0927-3394301. Available rin ito sa gate sa mismong araw ng show.
