Isang magkapatid na special child ang natagpuang patay makarang matrap sa nasusunog nilang bahay sa Isabela City, Basilan noong Lunes ng hapon.
Nagsimula ang sunog bandang 1:00 ng hapon, at inaalam pa ang sanhi nito.
Nasawi ang magkapatid na sina Reynald Salazar, 14; at John Mark Salazar, 10 anyos.
Ayon kay Renante Salazar, ama ng mga biktima, bigo ang 75-anyos na lolo ng magkapatid na mailabas ang mga ito sa nasusunog na bahay nang lumaki ang apoy.
Nagbigay ng tulong pinansiyal ang Department of Social Welfare and Development (DSWD) sa pamilya ng magkapatid.
