Naaresto ng pulisya ang isang pinaghihinalaang miyembro ng Abu Sayyaf Group sa isang safehouse sa Lamitan City sa Basilan.
Sinabi ni Senior Supt. Wilben Mayor, tagapagsalita ng PNP chief, na naaresto si Jauhari Idris base sa impormasyong ipinarating ng mga sibilyan sa pulisya sa pinagtataguan nito sa Barangay Tadbug.
Naaresto si Idris, na gumagamit ng mga alyas na “Jal” at “Boy Tinik,” base sa warrant of arrest kaugnay sa kasong kidnapping with serious illegal detention.
“The suspect is now under the custody of Regional Intelligence Division of Zamboanga Peninsula Region for proper disposition,” pahayag ni Mayor. – Aaron Recuenco
