“MAGKASUNDO sina Coco (Martin) at KC (Concepcion) sa set, ang ganda nga nilang tingnan dalawa. Masaya sila, nagkukuwentuhan,” kuwento ni Direk Malu Sevilla nang maharang namin siya sa 9501 nang ganapin ang grand presscon para sa book two ng Ikaw Lamang kasama ang mga bagong cast.
Kinumusta kasi namin sa kanya sina Coco at KC at kung hindi ba nagkakailangan sa set dahil first time nilang magkatrabaho. Pero okay naman pala ang dalawa, kaya ang sunod na tanong namin ay kung may posibilidad na maging “sina” Coco at KC.
“Ha-ha-ha, hindi ko alam, I wouldn’t know, it’s to early to tell, all I can share is they’re okay, magkasundo sila,” nakatawang sabi ni Direk Malu.
Binanggit namin na may Paulo Avelino si KC kaya baka malabo nga.
“Puwede, oo, pero alam mo, hindi natin masabi ang bukas, but Paulo is a nice guy. Pero confirmed na ba ‘yan na sila na?” balik tanong sa amin.
Binanggit namin na may nasagap naming tsika na may relasyon na sina KC at Paulo pero hindi lang maamin kasi nga may mga serye silang ginagawa at priority nila ang trabaho.
“Well, wala pa akong alam kasi hindi ko pa sila nakakausap, all I know is they’re friends, same with Coco, okay din sila ni KC,” sabi ni Direk Malu.
I-push ba talaga sina KC at Coco? Sabagay, tahimik pero mabilis din sa babae ang kayumangging aktor at posibleng maungusan niya si Paulo dahil parati silang magkasama ni KC sa Ikaw Lamang.
“Ay, hindi ko na alam ‘yan, puwede rin,” nakangiting say ni Direk Malu.
Base naman sa obserbasyon namin ay mala-Robin Padilla si Coco at Sharon Cuneta naman si KC na madaling ma-in love.
“Ganu’n ba ‘yun? Oo nga ‘no, si Sharon that time mabilis ma-in love kasi bata pa, eh, tingnan natin, iba naman siguro ang anak,” pangsang-ayon sa amin ng direktor ng Ikaw Lamang.
Samantala, nabanggit ni Direk Malu na ngaragan ang tapings nila ng Ikaw Lamang at sa katunayan ay nagkakasakit na raw siya dahil sa halos araw-araw na ngaragan nilang trabaho.
May sinat nga si Direk Malu nang mahawakan namin kaya’t pinayuhan naming umuwi na at magpahinga.
Pero bago kami tuluyang naghiwalay ay may ibinigay siyang tip.
“Medyo mas maikli itong new chapter ng Ikaw Lamang, not like the first one, ito mas mabilis matatapos, so kung dire-diretso, before end of December ang tapos,” say niya.
Tatlo silang direktor na nagtutulung-tulong sa Ikaw Lamang, kasama ni Direk Malu sina Avel Sunpongco at Manny Palo.
