Home » Archives by category » Opinyon (Page 295)

SA WAKAS, BINIGYANG-PAGKILALA ANG MGA PILIPINONG BETERANO NG WWII

PORMAL nang inaprubahan ng United States House of Representatives nitong Miyerkules, Nobyembre 30, ang Filipino Veterans of World War II Congressional Medal Act na inihain noong 2015. Una nang pinagtibay ng Senado ang bersiyon nito ng panukala noong Hulyo. Didiretso na ngayon ang panukala kay President Obama para lagdaan niya.

Second Sunday of Advent

ANG liturgical color ngayong panahon ng Adbiyento ay lila. Nangangahulugan ang kulay lila ng pagsisisi o pagbabalik-loob. Sa season of Lent, dala-dala ng Advent ang tono ng pagsisisi sa mga kasalanang nagawa sa Diyos at sa kapwa.

Is 11:1-10 ● Slm 72 ● Rom 15:4-9 ● Mt 3:1-12

Nang panahon ding iyon, dumating sa disyerto ng Judea si Juan Bautista at nagsimulang magpahayag: “Magbagong-buhay kayo, lumapit na ang paghahari ng Langit!” Siya ang tinutukoy ni Propeta Isaias nang sabihin niyang: “ ‘Naririnig ang sigaw sa disyerto: Ihanda ang daan para sa Panginoon, ituwid ang kanyang landas.’ ”

PANANAGUTAN BILANG MGA KATIWALA

MGA Kapanalig, nakalulungkot malaman na ang mga balita sa telebisyon, radyo, at social media ay halos tungkol na lamang sa mga pulitiko, krimen, at tsismis. At marahil ay wala kayong nabalitaan tungkol sa barikada ng halos 400 katao, karamihan ay mga residente, para kahit papaano’y pilayin ang operasyon ng mga mining company sa mga bayan sa Sta. Cruz, Zambales.

UNANG PULOT NA PANGULO

KAPAG si Sen. Grace Poe ang nahalal na pangulo sa Mayo 9, siya ang kauna-unahang pulot (foundling) na Punong Ehekutibo ng ating bansa. Kapag si Hillary Clinton naman ang naging presidente ng United States (US), siya ang kauna-unahang babae na hahawak ng pinakamataas na posisyon sa nag-iisang superpower sa mundo.

PANAHON NG GRADUATION

ANG buwan ng Marso, bukod sa panahon ng tag-araw ay buwan din ng pagmartsa ng mga estudyante sa ilang mga paaralan sa iba’t ibang panig ng Pilipinas. At para sa pamilyang Pilipino, ang graduation sa anumang antas; pre-school, elementary, high school, at kolehiyo ay dapat ipagdiwang sapagkat para sa mga magulang, ang graduation ang pinakamasayang okasyon dahil isa itong tagumpay ng kanilang mga anak kung saan umaakyat ang mga ito sa entablado upang tanggapin ang kanilang diploma na magsisilbing katibayan na sila ay nakatapos. At sa mga mag-aaral, ang graduation ay isang makahulugan at makulay na yugto ng kanilang buhay. Sa mga mag-aaral sa high school, katuparan ng kanilang pangarap na makapagpatuloy sa kolehiyo at tuklasin ang karunungang hangad nilang makamit pagdating ng panahon. Sa mga mag-aaral naman sa kolehiyo, ang graduation ang simula ng panibagong landas na kanilang tatahakin sa realidad ng buhay. Kung susuwertehin, makapaglilingkod sa magulang, bayan at pamayanan.

PINURI NG IMF ANG PAG-UNLAD NG PILIPINAS NGUNIT MAS MARAMI PA TAYONG MAGAGAWA

KAHANGA-HANGA ang mga salitang ginamit ng International Monetary Fund (IMF) para ilarawan ang ekonomiya ng Pilipinas nitong Lunes. Pinuri ni Shanaka Jayanath Peiris, resident representative ng IMF, ang ating mas matatag kaysa inaasahang paglago sa ikatlong quarter ng taong ito kaya naman itataas ng IMF ang pagtaya nito sa ikauunlad ng ekonomiya ng bansa, aniya.

WORLD AIDS’ DAY

NGAYON, siguradong maraming tao ang magkakabit ng pulang laso sa kanilang damit upang ipahayag ang pakikiisa sa paggunita ng World AIDS Day, lalo na iyong mga nakikipaglaban sa nasabing kondisyon. Unang ginunita noong 1988, ang World AIDS Day ay ipinagdiriwang taun-taon tuwing Disyembre 1 upang magkaisa ang mga bansa sa laban kontra sa Human Immunodeficiency Virus/Acquired Immune Deficiency Syndrome (HIV/AIDS), kumalap ng suporta para sa mga may HIV, at alalahanin ang mga pumanaw sa mga sakit na may kaugnayan sa AIDS.

Is 43:16-21● Slm 126● Fil 3:8-14 ● Jn 8:1-11 [o Ez 37:12-14 ● Slm 130 ● Rom 8:8-11 ● Jn 11:1-45]

Pumunta si Jesus sa Bundok ng mga Olibo. Maaga siyang muli sa Templo, at naglapitan sa kanya ang lahat ng tao, at pagkaupo niya, nangaral siya sa kanila.

BUHAY NA BAYANI

SA paggunita ngayon ng kaarawan ni Gat Andres Bonifacio, unang sumasagi sa ating kamalayan ang pamumuhunan ng buhay at dugo ng ating mga bayani alang-alang sa kasarinlan ng bansa. Bukas na aklat na ang kanilang mga pakikipagsapalaran na hindi natin malilimutan kahit na ang ilan sa kanila ay kinukulapulan ng nakapagdududang kabayanihan. Marami ring naghahangad na maging bayani ng lahi.