Home » Archives by category » Opinyon » Editoryal (Page 79)

MAAGANG CHRISTMAS BREAK NGAYONG TAON?

NAGPAPATULOY ang paghahanap ng solusyon sa problema ng Metro Manila sa matinding pagsisikip ng trapiko, at sa huling panukala ni Sen. Grace Poe, chairperson ng Senate Committee on Public Services, ay iminungkahi niyang simulan ng mga eskuwelahan ang kanilang taunang Christmas break dalawang linggo kaysa karaniwan.

ISAISIP ANG KAPAKANAN NG MAHIHIRAP SA PAGDEDESISYON TUNGKOL SA BUWIS

SA mga huling buwan ng nakalipas na administrasyon, tumindi ang panawagan para sa reporma sa buwis na nakatuon sa pangangailangang magkaroon ng mas makatwirang tax rates. Sa ilalim ng umiiral na singiling buwis na hindi binago simula noong 1997, ang isang mayaman na ang malaking bahagi ng kinikita ay nagmumula sa stock dividends ay dapat na magbayad ng 10 porsiyento nito bilang kanyang buwis, habang ang isang suwelduhang empleyado ay 32% ang binabayaran.

WALANG MAKAPAGBIBIGAY-KATWIRAN SA ISANG DIKTADURYA

MAY ilang salita ang may partikular na dating sa tenga, at awtomatikong nakakakuha ng reaksiyon mula sa tao. Isang halimbawa ang salitang “diktadurya”. Subukan mong sambitin ito at agad na maiisip ng mga tao sina Hitler at Stalin at si Idi Amin. Isa itong negatibong salita na hanggang maaari ay dapat na iwasan ng isang pinuno.

MAKATUTULONG SA PLANO NG DAR ANG MAS MALAWAKANG TALAKAYAN

IMINUNGKAHI noong nakaraang linggo ni Department of Agrarian Reform (DAR) Secretary Rafael Mariano ang pagpapatupad ng dalawang-taong moratorium sa pagbabago sa mg lupaing agrikultural bilang mga subdibisyon at iba pa. Agad na ipinahinto ng kagawaran—pansamantala, ayon dito—ang pagpoproseso at pag-aapruba ng mga aplikasyon para sa land-use conversion.

PAKIKINABANGAN BA O TULUYAN NANG AABANDONAHIN?

HINDI marahil marami ang nakaaalam na aabot sa P40 milyon ang kakailanganin taun-taon upang mamantini ang Bataan Nuclear Plant, na ilang dekada nang nakatiwangwang sa Napot Point sa Morong, Bataan. Taong 1976 nang simulan ang konstruksiyon sa planta. Idinisenyo ito para sa dalawang 600-megawatt nuclear reactor sa halagang $500 million, ngunit nang matapos na ang konstruksiyon noong 1984, na iisang reactor lamang ang aktuwal na naitayo, lumobo na sa $2.3 billion ang nagastos dito.

ISANG POLISIYA PARA SA LIGTAS AT maayos na RELOKASYON

SA nakalipas ay maraming beses na tayong nakakita ng mga litrato ng mga nag-iiyakang ina na karay-karay o karga ang kanilang mga anak habang buong kapighatiang pinagmamasdan ang paggiba sa kanilang mga barung-barong. May makikita ring mga litrato ng kabataang lalaki at mga binatilyo na naaktuhang lumalaban sa pagpupukol ng malalaking bato, minsan naman ay nanununtok o nanunulak, sa mga demolition team na inutusang baklasin ang lahat ng istrukturang sagabal sa lugar ng proyekto ng gobyerno o ng isang pribadong lote.

HINDI SAPAT NA DAHILAN UPANG MAGDIWANG

NAGTAPOS na nitong Sabado ng gabi ang pagdurusa ng Norwegian na si Khartan Sekkingstad, na dinukot kasama ng dalawang Canadian at isang Pilipina mula sa Samal island resort sa Davao Gulf noong Setyembre 2015. Kasama ang tatlong Indonesian, pinalaya siya ng Abu Sayyaf sa Sulu, at isinuko kay Nur Misuari ng Moro National Liberation Front (MNLF) na inilipat naman ang kanyang kostudiya kay Presidential Adviser on the Peace Process Jesus Dureza.

PAGPAPAWALANG-SALA KAY DATING PANGULONG ARROYO

SA wakas ay naabsuwelto na si dating Pangulong Gloria Macapagal Arroyo sa kaso na naging dahilan ng pagkakakulong niya nang ilang taon. Pinaspasan ng Sandiganbayan Fourth Division ang kaso nang igawad nito ang demurrers to evidence na inihain ng dating Presidente, ng asawa nitong si Jose Miguel Arroyo, at ni dating Commission on Elections Chairman Benjamin Abalos.

‘BAYANIHAN’ SA LENGGUWAHENG ENGLISH

NAGING lubos na katanggap-tanggap mula sa araw-araw na mga ulat ng pagpatay sa mga sangkot sa droga, pagbubunyag ng Senado ng mga anomalya, mga debate sa foreign policy, at matinding pinsalang dulot ng bagyo ang iniulat noong nakaraang linggo na mayroong bagong kontribusyon ang wikang Filipino sa lengguwaheng English language, na nananatiling dominanteng lingua franca sa mundo.

PANATILIHIN NATIN ANG MATAAS NA ANTAS NG PAGIGING ALERTO LABAN SA ZIKA

MAYROON nang walong kumpirmadong kaso ng Zika sa bansa. Matapos maiulat ang unang limang kaso simula noong 2012, inihayag ng Department of Health (DoH) ang ikaanim na kaso dalawang linggo na ang nakalilipas—isang 45-anyos na babae sa Iloilo City ang pasyente. Makalipas ang isang linggo, dalawa pang tao na kasama sa bahay ng ikaanim na pasyente ang nakumpirmang nahawahan ng sakit, bagamat bahagya lamang ang sintomas ng mga ito, na dumanas ng bahagyang pamamantal ng balat.