Home » Archives by category » Opinyon » Editoryal (Page 129)

WALA PA RING SOLUSYON SA NAKABABAHALANG PAGKALAT NG ZIKA VIRUS

SA nakalipas na mga linggo, naging abala ang media sa mga ulat tungkol sa pagkalat ng Zika virus, na ang mga huling kaso ay naitala malapit na sa Pilipinas, Thailand, Singapore, at China. Nananatiling ang Brazil ang pangunahing apektado ng pandaigdigang emergency, at sa huling tala ng health ministry nito noong nakaraang linggo ay lumobo na sa 4,314 ang kaso ng Zika, na 462 sa mga ito ang kumpirmadong kaso ng microcephaly o ang pinsala sa utak ng mga sanggol ng mga ina na naapektuhan ng virus.

NABUHAY ANG PAG-ASA NG MUNDO SA KASUNDUANG PANGKAPAYAPAAN SA SYRIA

ANG Arab Spring, ang sunud-sunod na paglulunsad ng mga rebolusyonaryo at malawakang kilos-protesta laban sa ilang dekada nang pamumuno sa Middle East at North Africa, ay nagsimula noong huling bahagi ng 2010. Sa sumunod na dalawang taon, maraming diktador ang napatalsik sa kapangyarihan sa Tunisia, Eyypt, Libya, at Yemen. Nagkaroon din ng mga pag-aaklas ang mga sibilyan sa Bahrain at Syria, at malawakang mga kilos-protesta sa Algeria, Iraq, Jordan, Kuwait, Morocco, at Sudan. Kalaunan ay nanamlay na rin ang mga protesta sa harap ng marahas na pagkontrol ng mga estado noong 2012, na nagbunsod sa tinatawag ng iba na Arab Winter.

HINDI NA DAPAT NA MAULIT PA ANG PAGSASAYANG NG TUBIG NA NANGYARI SA STA. MESA

SA loob ng 12 oras noong nakaraang linggo—mula 9:00 ng gabi nitong Miyerkules hanggang 9:00 ng umaga nitong Huwebes—bumulwak ang tubig mula sa nabutas na pangunahing tubo ng Maynilad sa Ramon Mgsaysay Blvd. sa Sta. Mesa, Maynila. Nagmistulang ilog ang kalsada at binaha ang malaking bahagi ng lugar.

MILF O BIFF? ANG KALITUHAN AY NAGDULOT NG PANIBAGONG KAGULUHAN SA MAGUINDANAO

DALAWANG linggo na ang nakalilipas, inihayag ng tropa ng 61st Division Reconnaisance ng Philippine Army na nakikipaglaban sila sa armadong kalalakihan sa Maguindanao at pinaniniwalaang mga miyembro ng Bangsamoro Islamic Freedom Fighters (BIFF) ang mga ito. Nagsimula ang paglalaban sa bayan ng Datu Salibo na kalaunan ay lumipat sa Datu Saudi Ampatuan.

PAMBIHIRANG PANSAMANTALANG PAGKAPARALISA, INIULAT NG WHO KASABAY NG EPIDEMYA NG ZIKA

ISANG pambihirang neurological disorder ang napapaulat ngayon sa ilang bansa sa Latin America na apektado rin ng epidemya ng Zika virus, ayon sa World Health Organization

DAPAT NA MAGSILBING INSPIRASYON SI GORE PARA HIGIT NA PAGSIKAPAN ANG RENEWABLE ENERGY

SA susunod na buwan ay bibisita sa Pilipinas ang pangunahing nagsusulong sa mundo ng pagkilos laban sa climate change, si dating United States Vice President Al Gore, bilang bahagi ng pandaigdigang pagsisikap niya upang himukin ang mga gobyerno at mga bansa na talakayin ang mga seryosong usaping pangkalikasan na dulot ng pag-iinit ng mundo o global warming.

SINIMULAN NA ANG 90-ARAW NA KAMPANYA PARA SA 2016 PRESIDENTIAL ELECTION

NAGSIMULA na nitong Martes, Pebrero 9, ang 90-araw na pangangampanya ng mga kandidato sa mga national position, sa karaniwan nang sigla ng eleksiyon sa Pilipinas. Halos kasabay nito, inilabas ang resulta ng isang public opinion survey na nagpapakita sa biglaang pagpapalit-palit ng kapalaran ng mga kandidato sa pagkapangulo. Gayunman, mistulang walang epekto ang survey sa sigla ng mga kandidato at kanilang mga tagasuporta na naglunsad ng kampanya sa kani-kanilang baluwarteng lugar sa bansa, lahat at umaasa ng tagumpay sa Mayo 9, 2016.

TAYO ANG NASA FRONTLINES SA PROBLEMA NG NORTH KOREA DAHIL SA MISSILE

NANG mag-launch ang North Korea ng ballistic missile—na isa lang umanong rocket na maglalagay ng satellite sa orbit—nitong Linggo ng umaga, lumipad ang missile mula sa silangang bahagi ng South Korea, dumaan sa Okinawa prefecture ng Japan, at nag-landing sa Pacific Ocean malapit sa Batanes sa Pilipinas.

AKMA SA SCHEDULE AT SIGURADONG MALINIS NA ELEKSIYON

NAKAKAKAMPANTENG isipin na nasa tamang schedule ang paghahanda ng Commission on Elections (Comelec) para sa eleksiyon sa Mayo 9. Inihayag ng komisyon nitong Linggo na handa na ito para simulan ang pag-iimprenta ng mga balota, at ang dry run ay sa Lunes. Kaya nitong mag-imprenta ng halos isang milyong balota kada araw, kaya ang forms para sa 54.3 milyong botante sa bansa at 1.3 milyon sa ibayong dagat ay aabutin lamang ng 70 hanggang 80 araw para matapos. May 90 araw pa bago ang Mayo 9, kaya marami pang oras kung kinakailangang magkaroon ng adjustment.

LINDOL SA TAIWAN: ISANG NAPAPANAHONG PAALALA SA MGA TAGA-METRO MANILA

ANG huling pagkakataon na niyanig ng malakas na lindol ang Metro Manila ay noong 1968 nang isang lindol na may lakas na 7.3 magnitude ang nagpabagsak sa gusali ng Ruby Tower sa Binondo, Maynila, at 270 katao ang nasawi. Ang mas huli rito ay noong 1990 nang winasak ng 7.7 magnitude na lindol ang Baguio City at mga kalapit na lalawigan nito hanggang sa Nueva Ecija, at nasa 1,621 ang nasawi.