Home » Archives by category » Opinyon » Editoryal (Page 119)

2 MAGUINDANAO MASSACRE: MAGING HANDA SA MAHABANG PAGHIHINTAY SA KATARUNGAN

ANIM na taon na ang nakalipas matapos ang Maguindanao Massacre noong 2009 nang 58 katao, na 32 rito ay mamamahayag, ang pinatay sa Ampatuan, Maguindanao, habang patungo sa tanggapan ng Commission on Elections sa bayan ng Shariff Aguak para maghain ng certificate of candidacy. Ang ikaanim na anibersaryo ng maramihang pagpatay ay ginunita nitong Lunes, Nobyembre 23, at marami ang naghihimutok sa napakabagal na usad ng gulong ng hustisya.

ISINILANG ANG ASEAN COMMUNITY

MATAGAL na nating tinatamasa ang pagiging isang bansa na naipaglaban sa kalayaan laban sa pananakop ng Espanya noong Hunyo 12, 1896. Simula sa Disyembre 31, 2015, dapat na rin nating ituring ang ating bansa bilang bahagi ng isang pinag-isang ASEAN (Association of Southeast Asian Nations) Community.

ANG ATING MGA INAASAM AT INAASAHAN SA MGA PAGDINIG SA THE HAGUE

NAGSASAGAWA ng mga pagdinig ngayong linggo ang Arbitral Tribunal sa Permanent Court of Arbitration (PCA) ng United Nations sa The Hague, Netherlands, sa kaso ng Pilipinas na naggigiit sa mga karapatan nito sa South China Sea. Una nang nagpasya ang tribunal na may karapatan itong dinggin ang kaso sa ilalim ng UN Convention on the Law of the Sea (UNCLOS).

KONGRESO, AAPRUBAHAN ANG BBL, NGUNIT HINDI ANG TAX REFORM BILL?

MAAARI itong depensahan bilang sistema ng partido, ngunit ang napaulat na kinakailangang tumalima ng pinakamatataas na opisyal ng Kongreso ng Pilipinas sa kahilingan ng mga tagapayo ng pangulo sa usapin ng pagbabago sa halaga ng buwis ay hindi maganda para sa isang gobyerno na may tatlong dapat ay kapantay at malayang departamento.

COA, NAKASUBAYBAY SA PONDO NG DAP PARA MATIYAK NA NAIPATUTUPAD ANG DESISYON NG SC

LABING-ANIM na buwan na ang lumipas simula nang tukuyin ng Korte Suprema na labag sa batas ang Disbursement Acceleration Program (DAP) ng gobyerno, ngunit nagpapatuloy pa rin hanggang ngayon ang mga epekto ng nasabing desisyon.

BINIGYAN NG BAGONG PAGKAKATAON ANG MGA NAGPAPABUKAS-BUKAS PARA MAKABOTO SA 2016

NANG simulan ng Commission on Elections (Comelec) ang kampanya nito upang maitala ang biometric data ng bawat botante—sa layuning malinis ang listahan ng mga makikibahagi sa eleksiyon—pinuntirya ng Comelec ang siyam na milyong botante na wala ang kinakailangang litrato, fingerprints, at lagda. Nang magtapos ang kampanya noong nakaraang buwan, sinabi ng Comelec na ang mga botanteng walang biometrics ay bumaba sa dalawang milyon na lang.

TATLONG BUWAN NA ANG NAKALIPAS MATAPOS ANG SAMAL KIDNAPPING —MAGHIHINTAY NA LANG BA TAYO NG UPDATE?

ANG bawat araw na nagdaraan para sa mga dinukot sa Samal beach resort sa kamay ng Abu Sayyaf ay isang patunay ng kawalang kakayahan ng gobyerno ng Pilipinas na igiit ang awtoridad nito at mapanatili ang kaayusan sa lahat ng panig ng bansa.

PAGPAPATIBAY NG UGNAYAN NG POPULASYON AT PAG-UNLAD

IDINEKLARA ng Proclamation No. 76 noong 1992 ang Nobyembre 23-29 ng bawat taon bilang “Population and Development Week” upang bigyang-diin ang pangangailangan para sa isang masigla at maigting na kampanya, sa pag-uugnay sa mga programa sa pagsisikap ng bansa na umunlad, para makaagapay sa pagdami ng populasyon ng bansa.

POPE FRANCIS MULING UMAPELA PARA SA REFUGEES KASUNOD NG MGA PAG-ATAKE SA PARIS

SA harap ng pag-atake ng mga terorista sa Paris, France, na nagbabantang makaapekto sa lumalawak na pagtanggap ng mga bansa sa Kanluran sa refugees, ipinaalala ni Pope Francis na ang mga refugee ay hindi lamang estadistika; sila ay mga anak ng Diyos.

MAS MARAMI PANG ROUNDS SA MGA KASO NI POE SA SET AT COMELEC

NAKIPAGPALIGSAHAN sa APEC Leaders Summit bilang pangunahing balita nitong Miyerkules ang desisyon ng Senate Electoral Tribunal (SET) na nagbabasura sa kasong diskuwalipikasyon na inihain laban kay Senator Grace Poe. “Poe wins Round 1” saad sa isang pahayagan. Tumpak ito—unang round pa lang ng laban, na marami pang round ang kakailanganing mapagtagumpayan bago tuluyang makahinga nang maluwag ang senadora.