Home » Archives by category » Balita » Daigdig (Page 224)

$56-M Zika response plan, inilunsad

Inilabas ng World Health Organization nitong Miyerkules ang initial response plan nito sa Zika virus outbreak, inilunsad ang funding appeal para sa $56 million operation.

Car bomb attack sa Turkey, 28 patay

Patay ang 28 katao at ilang dosena pa ang nasugatan sa kabisera ng Turkey, ang Ankara, nitong Miyerkules ng gabi nang isang kotse ang pinasabog sa tabi ng mga military bus malapit sa armed forces headquarters, parliament at iba pang usali ng pamahalaan.

Pope sa Mexican youth: Don’t be hitmen

Hinimok ni Pope Francis ang kabataan ng Mexico na labanan ang mapanuksong salapi na nagmula sa pagtutulak ng droga at sa halip ay pahalagahan ang kanilang mga sarili, sa kanyang pagbisita nitong Martes sa sentro ng narcotics trade ng bansa. “Jesus, who gives us hope, would never ask us to be hitmen,” wika niya.

404-carat diamond, namina sa Angola

Isang malaki, 404-carat na diamond na may sukat na mahigit 7 centimeters (2.7 inches) ang haba, ang namina sa Angola sa timog ng Africa, sinabi ng isang Australian mining company.

Blood donation guidelines vs Zika

Naglabas ang U.S. Food and Drug Administration (FDA) nitong Martes ng isang bagong gabay na nagpapayo sa mga bumiyahe sa mga lugar na may active transmission ng Zika virus sa nakalipas na apat na linggo, na umiwas sa pagbibigay ng dugo.

Vietnam, ginunita ang border war

Mahigit 100 katao ang nagtipon sa Hanoi upang gunitain ang anibersaryo ng maikling panahon ngunit madugong border war ng Vietnam sa China.

Missile attack sa Syria, 50 patay

Inakusahan ng Turkey nitong Lunes ang Russia ng “obvious war crime” matapos ang mga pag-atake ng missile sa hilaga ng Syria na ikinamatay ng maraming tao, at binalaan ang mga militanteng Kurdish na mahaharap sila sa “harshest reaction” kapag tinangka nilang kubkubin ang isang bayan na malapit sa Turkish border.

Preso, nabuntis; 4 na guwardiya, sinuspinde

Apat na prison guard sa hilaga ng Vietnam ang sinuspinde sa kapabayaan matapos na isang babaeng preso, nasa death row dahil sa drug trafficking, ang nabuntis, nangangahulugan na ibababa ang sentensiya nito sa habambuhay na pagkakakulong sa oras na ito ay manganak, iniulat ng media nitong Martes.

$900-M droga, nasabat

Nasabat ng mga awtoridad ng Australia ang methylamphetamine na nagkakahalaga ng 1.26 billion Australian dollars (US$900 million), ang pinakamalaking nasamsam na illicit drug sa liquid form nito, sinabi ng mga opisyal kahapon.

3 sundalo, patay sa helicopter crash

Bumulusok ang isang helicopter ng South Korean military sa isang probinsiya sa silangan kahapon, na ikinamatay ng tatlo sa apat na sundalong sakay nito.