PVF lang, Walang iba!

Filed under Balita, Features, Sports Balita RSS RSS Feed

Ni Edwin Rollon

NANINDIGAN ang Philippine Volleyball Federation (PVF) na hindi nawawala ang recognition ng International Volleyball Federation (FIVB) kung kaya’t tanging PVF lamang ang dapat kilalanin na National Sports Association sa volleyball ng Philippine Olympic Committee (POC).

CANTADA

Sa sulat ni PVF president Edgardo ‘Tito Boy’ Cantada bilang sagot sa liham ni POC Secretary General Atty. Edwin Gastanes na may petsang Hulyo 17, iginiit nito na matagal nang naisumite ng asosasyon ang resulta nang isinagawang 36th FIVB General Assembly na nagpapatunay na hindi tinatanggal bilang miyembro ang PVF.

“It is PVF, not Larong Volleyball sa Pilipinas Inc. (LVPI), that is the FIVB member. We have submitted to the POC Membership Committee the 36th FIVB World Congress Minutes and Appendices that contains the decision of the FIVB General Assembly not to expel PVF from FIVB and affiliate LVPI to FIVB. But for some unknown reason, POC refuses to honor the said document and uphold PVF. Because of this, we have decided to request for an attestation from FIVB,” pahayag ni Cantada.

“We, at Philippine Volleyball Federation (PVF), stand firm in our decision to first ask PVF’s attestation from FIVB before submitting any document. The attestation will be submitted to POC and PSC to prove the legitimacy of PVF as a national federation by virtue of its FIVB membership,” aniya.

“We truly want to resolve the problem in Philippine volleyball. But POC must do its part in ensuring a fair and valid solution to the problem. As long as POC refuses to do what we believe is the right thing to do, we will proceed with our own action.

“We truly hope that POC recognizes PVF as the national federation for Philippine volleyball. Over a hundred nations all over the world do. POC should do no less.

Nagkaroon ng gusot sa volleyball nang ipag-utos noon ni dating POC president Jose ‘Peping’ Cojuangco ang pagbuo ng bagong asosasyon – Larong Volleyball sa Pilipinas, Inc. –, sa kabila ng katotohanan na walang desisyon ang POC General Assembly para buwagin ang PVF.

Ayon kay Cantada, nagawa ito ni Cojuangco sa kabila ng katotohanan na binigyan ng papuri ng FIVB ang PVF dahil sa maayos na pamamalakad nito, kabilang ang pagresolba sa nakalipas na utang ng dating liderato ng PVF.

“Maayos ang PVF sa pamamalakad at pinatunayan ito sa recognition ng FIVB. Then, inalis kami ni (Peping) Cojuangco without the POC General Assembly votes. Hindi ba ilegal yun?” sambit ni Cantada.

Batay sa POC by-laws and constitution, kailagan ang one-third votes sa GA para maalis bilang miyembrong NSA ang isang asosasyon. Umaasa si Cantada na sa pagbabago ng liderato sa POC, masusunod ang tunay na reporma at ang itinatadhana ng konstitusyon.