‘Oratio vs COVID-19’ dadasalin sa Walk For Life

Filed under Opinyon Balita RSS RSS Feed

ANG mga kalahok sa taunang Walk for Life na gaganapin nang maaga ngayong araw, Pebrero 15, ay magkakapit-kamay sa pagdarasal sa Oratio Imperata laban sa novel coronavirus (COVID-19) na nakakaapekto sa libu-libong mga indibidwal at pumatay sa libu-libong tao.

Ayon kay Albert Loteyro, bise presidente ng Sangguniang Layko ng Pilipinas-NCR, ang mga kalahok sa paglalakad, na gaganapin nang sabay-sabay sa iba’t ibang bahagi ng bansa mula 4 a.m. hanggang 8 p.m. “will pray for protection against the COVID-19, for it to stop from further spreading, and for the virus to already be controlled.”

Si Archdiocese ng Manila Apostolic Administrator Bishop Broderick S. Pabillo ang mamumuno sa banal na misa kasama ang ilang mga obispo at mga 30 pari sa Liwasang Aurora, Quezon Memorial Circle sa Quezon City.

Gaganapin din ang magkakasamang paglakad sa mga archdioceses at dioceses ng Tarlac, Lingayen-Dagupan, Cebu, Palo, Cagayan de Oro, Borongan, at Gumaca.

Inorganisa ng Sangguniang Layko ng Pilipinas sa pakikipagtulungan sa Catholic Bishops ‘Conference of the Philippines-Episcopal Commission on the Laity, ang Walk for Life ay isang inisyatibo na sumusuporta at nagtataguyod ng kabanalan at dangal ng buhay mula sa paglilihi hanggang sa natural na kamatayan.

Hinikayat ni Loteyro ang mga kalahok sa okasyon na magsuot ng puting kamiseta o ang kamiseta ng kanilang samahan at dalhin ang kanilang mga banner, kandila, at rosaryo pati na rin ang mga payong, sobrang kamiseta, tubig, at face masks.

Samantala, ang Banal na Santo Papa Francisc ay patuloy na nanawagan sa mga mananampalataya na manalangin para sa mga mamamayan ng China habang hinaharap nila ang panganib na dulot ng COVID-19.

“Pray for our Chinese brothers and sisters. May they find a path to recovery as soon as possible,” sinabi ng Papa sa kanyang Weekly General Audience sa Pope VI Hall sa Vatican.

Nanalangin si Pope Francis para sa paggaling ng lahat ng mga naapektuhan ng virus at para sa paraan na mahadlangan ang pagkalat ng nakahahawang sakit, na ngayon ay nasa halos 30 mga bansa na. Nauna rito ay nagpadala ang Vatican ng 600,000 face mask para sa mga residente ng Hubei, Zheijang, at Fujian sa China.

-Christina I. Hermoso