Kingad, patok sa ONE sa MOA

Filed under MMA, ONE Championship Balita RSS RSS Feed

NAKATAKDANG makalaban ni Danny “The King” Kingad si Reece “Lightning” McLaren sa semifinals sa ONE Flyweight Grand Prix sa ONE: DAWN OF HEROES sa Agosto 2 sa Mall of Asia Arena sa Manila, Philippines.

Papalitan ni McLaren ang injured na si Kairat “The Kazakh” Akhmetov na natalo sa quarterfinals ng tournament ilang buwan na ang nakararaan sa ONE: A NEW ERA..

Pero dahil kailangan ni Kazakh na umatras sa laban, ang dating ONE Bantamweight World Title contender ang pumalit sa kanya.

Si McLaren na nanalo na ng tatlong sunod sunod na laban bago matalo kay Akhmetov ay nagbigay ng bagong problema para kay Kingad.

Habang naghahanda si Kingad sa laban nila ni Kazakh, ngayon ay iniintindi na din niya si McLaren, bilang isang Brazilian Jiu Jitsu blackbelt at may 12 na panalo.

Sa kabila nito ay alam pa rin ng Team Lakay kung paano tatalunin si McLaren bilang teammate ni Kingad.

Magiging madali na lang para kay Kingad ang laban pero dahil sa kanyang workrate ay mas mabilis siyang makakapag-adjust.

Dumadagdag pa sa event ang dating ONE Flyweight World Champion Geje “Gravity” Eustaquio.

Makakatapat ni Eustaquio si Yuya Wakamatsu sa undercard ng event kung saan panglima siya sa Team Lakay warrior na lalaban

Kagagaling lang ni Eustaquio sa isang unanimous decision na panalo laban kay Kim Kyu Sung sa ONE: ENTER THE DRAGON at ngayon umaasa siyang masundan ito.