Ivanka ‘di kapalit

Filed under Daigdig Balita RSS RSS Feed

WASHINGTON (AFP) – Sinopla ni Ivanka Trump nitong Martes ang mga suhestiyon na maaaring italaga siya ng kanyang ama bilang UN envoy, matapos sabihin ni President Donald Trump na magiging ‘’dynamite’’ replacement siya — kung hindi lamang dahil sa nepotismo.

‘’It is an honor to serve in the White House alongside so many great colleagues and I know that the President will nominate a formidable replacement for Ambassador Haley. That replacement will not be me,’’ tweet ni Ivanka.

Ilang oras bago nito, ipinahayag ng kanyang ama ang pagbibitiw ni Ambassador Nikki Haley, na bababa sa puwesto sa katapusan ng taon.