500 nurses kailangan sa Germany

Filed under Dagdag Balita Balita RSS RSS Feed

Nangangailangan ng 500 Pinoy nurses ang Germany ngayong taon, inihayag ng Philippine Overseas Employment Administration (POEA).

Sinabi ni POEA Administrator Bernard Olalia na ang mga interesado, maaaring mag-applay sa POEA website o sa accredited private recruitment agencies.

Ang nurse na hindi pa pumasa sa licensure exam ng Germany ay may panimulang suweldo na 1,900 euros o P118,266. Kapag naging licensed nurse na sa Germany, ang panimulang sahod ay 2,300 euros o P143,165.

Sa ngayon mayroong 480 Pinoy nars ang nagtatrabaho sa Germany.

-Mina Navarro