5 dinakma sa sabungan

Filed under Probinsya Balita RSS RSS Feed

Ni Leandro Alborote

SANTA IGNACIA, Tarlac – Sabay-sabay inaresto ang limang lalaki sa pagsasabong sa Purok Nam-ay, Barangay Padapada, Santa Ignacia, Tarlac kamakalawa.

Kinilala ang mga inaresto na sina Roxas Asio, 55; Arnold Daguioan, 43; Harold Facun, 38; Jimmy Galamay, 68; at Gonzalo Servando, 64, pawang residente ng Bgy. Santa Ines, Santa Ignacia, Tarlac.

Napag-alaman na maigting ang kampanya ng Santa Ignacia Police laban sa sugal, kaya agad sinalakay ang lugar.

Narekober sa pinangyarihan ang dalawang patay na texas at walong panabong na manok.

Narekober din ang 20 motorsiklo, dalawang tricycle, at isang mountain bike.