Charity work ni Angel Locsin sa Marawi, ipinagtanggol nina Neil Arce at Sec. Taguiwalo

Filed under Features, Showbiz atbp. Balita RSS RSS Feed

angel-locsin

NAKAKALUNGKOT na sa kabila ng malinis na intensiyon ni Angel Locsin na matulungan ang mga nagsilikas sa giyera sa Marawi City ay may mga namba-bash pa sa kanya.

Sekreto ang pagdalaw ni Angel sa evacuation centers ng Marawi at sa Balo-i, Lanao del Norte bilang volunteer ng relief operation ng Rural Missionaries of the Philippines (RMP), pero hindi siyempre naiwasang makilala siya.

Sa kagustuhan ni Angel na makita ang sitwasyon ng evacuees at personal na makapag-abot ng tulong, hindi naiwasang kumalat sa social media ang kanyang mga litrato na pinagmulan ng inintriga. May kumukuwestiyon kung bakit kailangan pa raw i-publicize ang kanyang ginagawa sa Marawi evacuees.

Sa isang Facebook post na nabasa namin ay ipinagtanggol si Angel ng isang netizen.

“She wanted to remain anonymous, but how can this event be kept as a secret if she, herself, Ms. Angel Locsin wants to personally distribute the goods to the evacuees staying at Maahad Abdul Hamid (one of the recognized evacuation center) at Balo-i, Lanao del Norte. It was indeed a blessed Jum’ah!

“May Allah subhanu wa ta’ala grant the desires of her heart. She always have a heart for us, muslims. MashaAllah!”

Para sa mga hindi nakakaalam, hindi ito ang unang charity work ni Angel. Alam ng mga taga-Red Cross at maraming cause-oriented group na palagi siyang volunteer kapag sinasalanta ng kalamidad ang iba’t ibang probinsiya sa bansa.

Nagpunta rin siya noon sa Eastern Visayas pagkatapos ng bagyong Yolanda at sumasama rin sa iba’t ibang relief operations.

Hindi bago ang aktres sa volunteerism dahil ambassador siya ng Philippine National Red Cross.

Dahil sa bashers, hindi na napigilan ni Neil Arce, kaibigan at rumored suitor ni Angel at producer ng N2 Productions na mag-react.

“I just read someone’s post here on Facebook sabi, ‘When you do charity, do it quietly.’ Saw the comments sections as well ang dami nilang alam.

“The person you are talking about went to the most dangerous area in the Philippines unannounced and without bodyguards or even government supervision.

“She risked her life just to help our countrymen. Media picked it up on her 2nd day there, hindi po ‘yon pinatawag and hindi pinlano. She spent her own money and wanted to do it as quietly as possible.”

Patuloy pa ni Neil, “What have you done to help? What have you done to inspire people to help? Pati ‘yung mga nagco-comment puro press pa kayo. Bring it on, isulat niyo na ko ng masama, wala akong paki.

“I know there are still good people out there but you people bashing people who are just trying to help others, you are scum.”

Samantala, nagpasalamat si DSWD Secretary Judy Taguiwalo sa ginawa ni Angel via Twitter: “Thank you, Ms. Angel Locsin for calling attention to the plight of Marawi evacuees. We hope more Filipino youth emulate women like Ms. Angel Locsin who speaks and stands for others.

“None of us can be like Darna & fly to rescue people. But we can be like Ms. Angel Locsin & care for those in need like the Marawi evacuees,” depensa pa ni Sec. Taguiwalo kay Angel. (ADOR SALUTA)

  • jfquinoveva

    Kawawa naman si Angel, tahimik na gumagawa bina-bash pa. Ok lang yan, huwag mo nalang pansinin sila. Shame on them na hindi ginagawa ang ginagawa mo.