Pope Francis, nagtungo sa Greece

Filed under Daigdig Balita RSS RSS Feed

LESBOS, Greece (AP) – Bumiyahe kahapon patungong Greece si Pope Francis para sa mabilisan ngunit mapanghamong pagbisita sa bansa upang makadaupang-palad ang mga refugee sa isang detention center.

Lumapag ang Alitalia charter ng Santo Papa sa airport sa isla ng Lesbos pasado 10:00 ng umaga, 20 minutong mas maaga sa inaasahang paglapag. Sinalubong siya ni Prime Minister Alexis Tsipras, kasama ang spiritual leader ng mga Orthodox Christians at ang arsobispo ng Athens, na pinuno ng Church of Greece.